Arkiv 03/04

Arkiv 04/05

Arkiv 05/06  Arkiv 06/07

Arkiv 07/08

 

Temakveld
om internett, mobilvett, tv- og dataspel og digital mobbing.   Me veit at dette gir born og ungdom store utfordringar som det er viktig at me som vaksne så godt som muleg er oppdatert på.

Per Magne Olsen frå BarneVakten held foredrag i Gymsalen  ved Skånevik skule Tysdag 5. mai kl. 19.00.  Etter foredraget vil det bli kaffi m/noko attåt og samtale

Viktig at alle foreldre møter opp til temakvelden!!

Arr: FAU v/Skånevik skule, Helselaget og soknerådet

Arrangementet er sponsa av Folkeakademiet

Juleverkstad
  Tirsdag 11. og torsdag 12. desember hadde 1.- 4. klasse juleverkstad i lag. Den eine dagen baka me pepperkaker og pynta dei etterpå. Den andre dagen laga me julepynt. Me laga juledekorasjon og pynta fine røter som Olaug hadde funne til oss. Dessutan laga me nisse, stjerner og hjerter.

Skulearket januar 2002 (29.01 2002)

GODT NYTT ÅR
Tida går fort og me er alt snart ferdig med januar. Set inn eit bilete av snømannen og håpar at me vil få litt vinter med snø i år og. Borna er i alle fall svært aktive ute når det er snø.  Det trengs.

Nye rapportar konkluderar med ei utvikling der born set mykje for mykje i ro, både på skulen og heime. Ei nyttårsoppfordring nå må difor vera:

Bytt pc og fjernsyn ut med aktivitetar ute. Skulen har friluftsliv som eit av sine satsingsområde og vil freista å bli flinkare til å tilretteleggja for å nytta uteområdet i undervisninga.

SFO
For tida er det så fullt av born i SFO at me ikkje har kapasitet til ta imot born som treng kjøpa sfo einskilde timar/dagar. Dette gjeld ikkje onsdagar

Skånevik skule har fått heimeside
Dei som er brukarar av internett kan nå gå inn på  skulen si heimeside å skaffa seg informasjon. Heimesida vil gradvis verta utvikla vidare med meir stoff og foreldre må svært gjerne kom med innspel.

Her kan ein leggja inn ulike planar skulen har, referat frå FAU, SU,m.m. Ikkje minst er det viktig å formidla elevprodukt, prosjekt og aktivitetar dei har vært med på.

Samarbeid heim – skule
Skulane i Etne skal dette skuleåret undersøka korleis kvaliteten på samarbeidet mellom heimen og skulen er. Til dette er det utarbeida eit skjema som eg håpar alle vil svara på. Skjemaet er handsama i FAU, som sluttar opp om undersøkinga. FAU og skulen vil og bruka resultatet av undersøkinga til å drøfta samarbeidet. Har du framlegg til korleis ein kan gjera samarbeidet betre, håpar eg at du skriv litt om det på punkt 4. Er det lite plass her kan du skriva meir på baksida av spørjeskjemaet. Returner skjemaet til skulen innan tysdag 5.februar.

Frå årsplanen
Fredag 1. februar er elevfri dag.
Veke 5-6: Undersøking av samarbeidet heim – skule
                  Matematikkens dag
Veke 9:     Vinterferie
Veke 10:   Håpar på skidag
Veke 11:   7. kl. Leirskule
Veke 11 – 12: 9.kl. utplassert i arb.livet

Helsing
Kjell Ingvald

Matematikkens dag
  Mange vil vel hevda at ein heil dag med matematikk må vera frykteleg kjedeleg. Dei som seier dette skulle vore på Skånevik skule torsdag den 7.februar. Alle elevane ved skulen  var i full sving med matematikk dagen lang. Grunnen til denne store iveren i matematikk har si forklaring.

I år er det 200 år sidan nordmannen Niels Henrik Abel vart fødd. Han er rekna for å vera ein av dei største matematikarar som har levd, sjølv om han berre vart 27 år gamal.(1802-1829).

Styret i landslaget for matematikk i skulen (LAMIS) lanserte ideen om ein matematikkdag i veke 6. Skulen vår fatta interesse for dette tiltaket, og gav Kari Johansson i oppdrag å planleggja korleis dette kunne gjennomførast ved skulen vår. Eit oppdrag ho har løyst på ein framifrå god måte. Elevane vart inndelt i tre hovudgrupper – småskulesteget(1-4), mellomsteget(5-7) og ungdomssteget(8-10).

I løpet av dagen skulle elevane vera innom tre aktivitetar – spel, problemløysing og design (formingsoppgåve der ein nytta seg av matematiske figurar/kurver) I problemløysing og design arbeida elevane i aldersblanda grupper, medan speleøkta vart gjennomført internt i klassen.

På mellomsteget og ungdomssteget var det lagt opp til kåring av beste gruppe på kvart steg, og når elevane var på spel samla dei poeng til si gruppe. Innsatsen og engasjementet var stort gjennom heile dagen, og både elevar og lærarar gav uttrykk for at dette var noko ein måtte gjera fleire gonger.

  Vinnarane på mellomtrinnet 

Elevane på mellomsteget og ungdomssteget var samla i hallen ved skulen dagen etter til kåring av beste gruppe på kvart steg. 

  Vinnarane på ungdomstrinnet 

Rektor delte ut diplom til gruppene og kunne samstundes avsløra at desse to gruppene skulle  på Larsen Bakeri saman med prosjektleiar Kari Johansson. Skulen spanderer kaker/boller og drikke.  Vonar  iver og innsats er like stor når me prøver att til neste år.

Drama
  I vekene før vinterferien hadde 5.-7. klasse temaet drama i lag.  Som ein introduksjon til emnet var lærarane sjølv med og viste "Dei tre bukkane bruse" med ulike dramamåtar. Elevane skulle velja kva måte dei ville jobba med å framføra ein tekst på, og gruppene vart laga ut i frå desse vala.

Etter at gruppene var sett saman valde dei sjølv kva tekstar dei ville jobba med. Men heilt frå starten visste me at det var 1.-4. klasse som skulle få æra av å vera med på framsyningane. Dermed vart det vald barnetekstar og eventyr.

Gruppene jobba godt med tekstskriving, øving og kostymelaging. I løpet av to veker var me nesten klar til framsyning....

Tirsdag 19.2. var 80 elevar samla i gymsalen, så det var nok nokon som var litt nervøse. Det blei vist eventyr på flanellograf, dokketeater, skuggespel og dramatisering ut frå eit bilete. 

I desse tider er det alltid litt sjukdomsforfall så dei andre gruppene måtte vente til torsdagen etter for å vise sine produkt. Også denne dagen var det samla eit stort publikum, og nok ein gong gjekk det veldig bra. Denne gongen vart det framføring av eventyr med lydkulissar, skodespel, song og dansing.

Håpar også publikum synest at det var verdt å sjå dei flinke elevane i 5.-7. klasse!

Karneval  
  Februar er karnevalstid og 1.- 4. kl. laga masker sjølv og gjekk i lang, lang rekkje gjenom klasseromma på skulen. Etterpå var det fastelavensboller både med og utan krem.

Skulearket mars 2002 (12.03 2002 )

Skidag
Ut frå semesterplanen skulle det vært skidag denne veka, men veret har ikkje gitt høve til det. Skidagen er drøfta i lærarkollegiet og i FAU og ein går inn for dette opplegget:

U-steget får tilbod om å reisa til Røldal skisenter og

1-7 kl til Fjellhaugen skisenter. Kostnadane vert om lag like: Transport ca. kr. 100. Skikort kr. 80 i Røldal og kr. 60 på Fjellhaugen. I Røldal kan ein leiga skiutstyr til kr 80,- (brett kr. 150,-)

1. – 2. kl får ikkje lov å bruka skitrekk, 3.-4.kl. får bruka skitrekk dersom dei har skriftleg melding med frå heimen.  5.-7.kl. får nytta skitrekket (alle må sjølvsagt betala for dagsakort). Foreldre har høve til å vera med, men alle må nytta bussen som vert leigd inn. U-steget satsar på skidag etter påske, medan 1.-7.kl. nyttar godveret når det kjem, før eller etter påske.

Alt nå er det tid for å sjekka utstyret for på kort varsel vera klar til skidag.

Samarbeid heim – skule
Ein del lurer nok på resultata av undersøkinga som vart gjort om samarbeidet heim – skule. Oppslutninga var ikkje den beste, i underkant av 50 % svara. Resultata har vært handsama i lærarkollegiet og i FAU. Undersøkinga syner at svært mange synes samarbeidet mellom heimen og skulen er bra. Det er me glad for. Me kan likevel verta betre og særleg kan me aldri verta flinke nok med å gi informasjon. Dette gjeld begge vegar. Resultatet syner og at me kan alle verta flinkare til å gjera oss nytte av klassekontaktane. Ein oppfordring frå skulen er og at foreldre ikkje må vera redd for å ta kontakt med skulen og gjerne koma på besøk.

Krl – faget
Krl-faget er ofte i fokus i media. Mange har ut frå ulik religiøs ståstad vanskar med innhald og at faget er obligatorisk. Nå held ein på og revidera faget og ny læreplan vil vera klar frå 01.08.02.

Ein del lurer på fritaksretten som gjeld for faget og i samsvar med FAU (der dette vart drøfta) sender eg ut  eit informasjonsark om faget og eit meldingsskjema som skal nyttast om ein vil søkja delvis fritak frå faget. Meir informasjon kan ein få ved å venda seg til underteikna.

9.kl. vil nå i to veker vera utplassert i arbeidslivet.
7.kl. er førstkomande veke på leirskule i Hålandsdalen. Vonar begge klassane får nyttige og kjekke veker.

God Påske, når den tid kjem!

Helsing Kjell Ingvald

Leirskule i 7. klasse
  Den 11.mars reiste me på leirskule til Hålandsdalen. Turen dit tok 4 timar med buss og ferje.  Anne Martinsen frå leirskulen har var her og fortalte at me skal ha ulike grupper  med forskjellige oppgåver kvar dag.  Om kvelden var det disco og underhaldning.  Me var saman med ein 6.klasse frå Aurdalslia skule i Bergen.  Dei var 12 jenter og 16 gutar.  Fredag 18.mars reiste me heim.  

Besteforeldrefest 23. mars
  Nesten alle elevane fekk besøk på skulen denne føremiddagen, enten av besteforeldre, tanter eller naboar. Elevane hadde laga mykje fint program, både med song, blokkfløytespel, line-dans og sketsjar. Foreldra kom med kaker og kaffi og alle som kom fekk ei hyggjeleg føremiddagsstund på skulen.

Elevane i 3. - 4. klasse både song, resiterte og spelte blokkfløyte på festen. Her er det "Månadsregle" som vert sagt fram som talekor.

3.-4. klasse har lært å spela blokkfløyta dette skuleåret. Fleire små grupper spelte på festen.  Gutane leste opp morosame historier og vitsar.

2. klasse besøker ein bondegard
  Tirsdag 15. april var me heime hos Even, som går i klassen vår. Dei har bonde-gard, og no om våren får sauene lam. Me fekk sjå mange nyfødde lam. Me fekk halda dei og. Dei var så fine.

Me fekk klappa hesten også. Han var snill.

Sola varma, og det var kjekt å eta maten ute. Evy hadde kokt kakao til oss. Det smakte. Dei vaksne fekk kaffi.

Etter maten såg me på hønene. Dei hadde verpa masse egg. Her kunne det blitt minst eit bade-kar fullt med eggedosis.

Me fekk lov å hoppa på trampoline også. Me hoppa kvar sin gong. Det var kjempe-gøy. Elles leika me  ”Gje eit lite vink” ei stund.

Alle syntest at me hadde hatt ein særs kjekk skuledag. Me vil takka for at me fekk lov til å koma på besøk.

Fisketur
  Alle i 7. klassen bestemte at me skulle på fisketur i vår. Me fekk beskjed av Reidar at me skulle gå heim og spørja om det var nokre foreldre som hadde båtar og kunne vera med på tur. Me fekk med oss Svein Sævareid, Gunnar Molnes og Hans Vidar Winterthun som foreldre. Leif Eikemo og læraren vår Reidar var også med med kvar sin båt. 

Kvelden før fisketuren reiste me ut med båten og sette garn og liner. Då såg me ei ørn ute på Vannes og mange niser. Neste dag for me ut for å dra opp garna og linene. Me fekk ca 70 paler og nokre andre fiskar. Så drog me inn til Havn og møtte dei andre. Reidar laga fiskesuppe og dei som ville kunne steika fisk i folie.  

9. klasse vant Tinestafetten (05.06 2002)
  Den 23. mai vant 9. klasse ved Skånevik skule den tradisjonsrike Tinestafetten på Stord.  Elevar frå dei fleste skulane i Sunnhordland deltok.  

Prøysenkveld på Skånevik skule  
  Mandag 17. juni vart både foreldre, besteforeldre og andre vaksne bedne inn til ”Prøysenkveld” på skulen. 1.- 4. klasse hadde øvd inn songar og forteljingar. 1.klasse synte dokketeater om Teskeikjerringa og dei dramatiserte Hompetitten med sjølvlaga og lånte bilar. 

2. klasse las dikt og song med fine barnestemmer. Dei hadde og fest i klasserommet etterpå.

 ”Geitekillingen som kunne telle til ti” skapte liv og røre i salen då 3.og 4.kl. dramatiserte eventyret. Diktet om Løvetannen vart fint framført med to elevar som solistar.        

 
Mykje publikum hadde møtt fram.

Telttur til Botnane 4.-5. juni
  Me gjekk fra Rabben klokka 10.00. Me brukte ca. 1 1/2 time opp og tok ca 3-4 pausar kvar og alle syntes at turen opp var tung. Då me kom opp fann me oss teltplassar og slo opp telt. Det var litt vanskeleg for det blåste og regna. Det regna så masse at me måtte søke tilflukt i telta og når det blei opphold så grilla me pølsa og det var kjempegodt. Men så begynte det å regna og me måtte søke tilflukt og sånn heldt det på resten av dagen...

Me fekk beskjed om at me skulle gå opp på Hovlandskute. Når klokka var blitt 17.00 gjekk me alle oppover unntatt nokre jenter som sat igjen i telta. Det tok ca. 1/2 time. Når me var komen opp blås det veldig og mange var ute på tuppen og såg ned. Reidar fortalde oss om fjellets mineraler og slikt. På nedovervegen måtte me gå forsiktig for det var så bratt, men alle kom seg nå heile ned.

Klokka 20.00 skulle Paul henta ved og blei beten av hoggorm. Me la oss i tolv tida, det trudde i alle fall Reidar. Kl 03.00 var alle i senga og sov. 

Neste dag var det super fint vær og me møttes kl 08.30. Då skulle me opp på Juraskarskjerringa. Det tok ca. 1 time. Då me kom ned til leiren pakka me saman telta og bagasjen. Me gjekk ned med tung bagasje. Det var ein topp tur sjølv om de blåste og regna.

Naturstien
  Me i 7.klasse har i ei veke jobba med å laga ein natursti for 1.-4. klasse. Postane handla blant anna om kjendisar, songstrofer, fiskar og masse meir. Stien gjekk rundt i Miljaskogen. Elevane var flinke til å la alle på gruppa vera med å svara.

Ryddeaksjon
  Elevar i 1.-7. klasse og ein del elevar i 8.-10. klasse har i dei første vekene i mai vore med og rydda heile Skånevik. Elevane vart sende ut med plasthanskar og bossekkar og kom tilbake med store mengder boss som dei hadde funne i grøftekantane. Synd at dei skal finna så mykje som ligg å flyt i bygda vår, men flott at elevane tar eit tak og ryddar opp.

Oppfordring frå Skånevik skule: La det sjå skikkeleg ut i bygda vår. Kast ikkje søppel i naturen og rydd opp der de ser det trengs!

Skulearket juni 2002 (27.06 2002)

Så er eit nytt skuleår over i historia. Me håpar på ein god ferie for alle. Fredag 21. juni sluttar elevane kl. 11.00 og skulebussen vil gå same tidspunkt.SFO vert framskynda til kl. 11 – 14 på fredag.

Underteikna vil på vegne av personale takka for godt samarbeid og ynskja vel møtt til nytt skuleår 14. august. 

U-steget frå hausten
Organisering og opplegg vil verta noko endra frå hausten. FAU er orientert om forsøket som me håpar vil verka positivt på elevane sin motivasjon og læring.

Endringa vil i hovudsak gå ut på:
-         Færre tradisjonelle  undervisningstimar
-         Elevane arbeidar meir etter arbeidsplanar med læringsmål
-         Lærarane vil vektleggja meir rettleiing og tilrettelegging
-         Skuledagen vil variera mellom undervisning og a rbeidsøkter           med utgangspunkt i arbeidplanane

Meir informasjon vil verta gitt i foreldremøte når skulen startar.

Personalendring neste skuleår
Alf Ove Nilsen skal ha permisjon neste skuleår. Rådgjevar i hans stad  vil vera Njål Dyrrdal. Margunn Mortveit er tilsett i årsvikariat neste år. Arild Stenberg er tilbake som rektor ettter permisjon, og underteikna går tilbake til stillinga som undervisningsinspektør. Erling Askeland, som har vore inspektør dette året, går tilbake til Enge skule. Me takkar Erling for flott innsats og godt samarbeid.

Anne-Karin Børhaug skal byrja som assistent i 1.kl. I tillegg kjem ein lærling frå barnehagen. Det kan og verta andre justeringar på assistentstillingane frå hausten, men dette er ikkje klart enno.

Hugs å levera inn bøker som høyrer til biblioteket!!!

SFO
Minnar om at dei som ynskjer å slutta i SFO frå hausten må sei opp plassen sin (gjeld ikkje dei som skal opp i 5 kl.) Dei som ynskjer SFO-tilbod (og ikkje har i dag) må ta kontakt med meg.

Skulestart i august
Ut frå vedtatt skulerute skulle elevane byrja torsdag 15. august. Men grunna at kronprinsparet kjem til Etne onsdag 14, vil det verta lagt opp til skulestart denne dagen og fri for elevane 15. aug.

Elevane møter på skulen til vanleg tid om morgonen, og vil verta skyssa til Etne, der dei skal stå langs ”vegen” der kronprinsparet skal passera. Elevane bør vera fint kledde (gjerne ha bunad på seg).

Helsing Kjell Ingvald

Bildearkiv